【深夜有感－誰來關心爸爸?】
迎接新生命係一件開心事，但有冇想過，爸爸背後承受的壓力都可以好大 －家庭開支大咗幾多？咩辦法賺多啲錢？窩居仲有位添置BB用品？點樣照顧太太？放工仲有氣力照顧小朋友？問題一大堆，亦係前所未有的。更何況，在家全職爸爸，有時面對的壓力可以來自三姑六婆的閒言閒語
「你喺屋企咁得閒? 都係湊吓仔啫?」
「要個女人出嚟做野? 餓死老婆瘟臭屋咩?」
社會開放咗咁耐，爸爸媽媽的segment已經好唔同，有時女人賺錢能力可以高過男人! 如果經過衡量，爸爸照顧仔女，媽媽工作賺錢，Why Not?
爸爸的家庭角色，點解要被社會定型？點解爸爸唔可以有壓力？點解全職爸爸唔可以得到支援？
尋日，我認識一位爸爸，早喺廿年前辭職全職，照顧患上產前抑鬱的太太，閒時做散工維生，竟然收入高出全職時收入的4倍。今日囡囡已經20歲，一切安好。
每個case都好唔同，有爸爸選擇樂觀面對，而我現階段亦充滿喜悅做slash，迎接小天使的來臨。但唔係每個爸爸都咁豁達，到某階段，有爸爸選擇逃避，亦有爸爸選擇抑壓，一旦情緒到臨界點，可能一發不可收拾。
外人的想法，我們無法控制。但至少，有事可以跟太太傾訴。記住，太太係你的枕邊人，亦係你的終生伴侶。
共勉之。
P.S. 當你讀完全文，代表你係有緣人，祝福你。
#任何努力照顧家庭的爸爸都好應該得到尊重 💪
Search